Ques saber máis sobre a túa biblioteca? Non te perdas todas as novidades. E recorda, para viaxar lonxe, non hai mellor nave que un bo libro.
mércores, 30 de maio de 2018
Ola!
Hoxe é un día triste, porque o taller de Biblioteca acábase. Non me podo crer que o curso xa acabe e que non vaia a volver ver aos meus amigos ata o ano que vén. Desde aquí quero darlles as grazas por cada risa e aventura que gocei con eles cada mércores.
Iso si, antes de irme vou deixar unha cousa moi guai, pero mellor pospoñémolo a dentro duns días, porque quero buscar os mellores libros da biblioteca e facer unha lista de recomendacións para o verán.
Espero que este verán gocédelo moito, que descansedes despois de tanto exame e que vos mergulledes en moitos libros.
Moitos bicos, Rasi.
As normas da biblioteca
- Se é preciso falar, facelo en baixiño.
- Avisa a un profe se queres facer uso da biblioteca.
- Lembra deixar todo como o atopaches(libros, cadeiras, etc.)
- Recorda que na biblioteca evitamos introducir alimentos e bebidas.
- Non te esquezas de dicirlle a o profe encargado que anote o libro que queres levar ou que devolves.
- Coida de todo o material da biblioteca, xa que é beneficioso para todos.
- Devolve os libros no prazo, ou renova o préstamo, así todos podemos vernos beneficiados.
- A biblioteca é un lugar máxico para ler historias que nos leven a outros mundos, para informarse, para estudar ou para disfrutar dos libros.
- A biblioteca non é para refuxiarnos os días de chuvia.
mércores, 9 de maio de 2018
mércores, 2 de maio de 2018
Feliz día do libro!!
Ola!
O día do libro celebrouse no cole dunha forma máis que entrañable. Os profes e alumnos de toda Primaria xunto a 1º de ESO puxéronse na pel dun poeta e entre Antonio Machado, Jose Espronceda e moitos máis os meus amigos tiveron o pracer de aprender un pouco máis da arte de escribir.
Bicos!
mércores, 25 de abril de 2018
Ola!
A semana cultural chega ao cole e a nosa profe de inglés está moi emocionada. Cristina non dubida en preparar cousas super chulas con todos o meu amigo de primaria. Como ides ver nun pouco, teño uns amigos actores e actrices, e nun dicir amén móntannos un espectáculo propio de Broadway. Pero mellor que vós mesmos poidádelo ver.
Bicos, Rasi <3
mércores, 11 de abril de 2018
Temos que celebralo!
Ola!
Chégannos cousas novas e temos que celebralo, non? Pois dito e feito, e na biblioteca montamos unha celebración en nada, con globos e todo! É que a chegada de libros como os de Harry Potter ou de xogos como o Cluedo merécense unha festa.
Pero faltas ti para que estea ao completo, vés xogar comigo?
Bicos, Rasi <3
mércores, 21 de marzo de 2018
Ola!
Hoxe quero falarvos dunha iniciativa super guai que os profes do noso cole están a levar a cabo na biblioteca desde este curso, e como din na Voz de Galicia, están a tentar ensinar a ler e a escribir a un grupo de senegaleses cos que comparto pobo desde fai pouquiño.
Moitos homes viñeron a Fisterra en busca dunha vida mellor, e non só atoparon iso, senón que grazas aos profesores poden conseguir unha educación xusta para eles, e en ocasións, tamén para os seus fillos. Dá gusto compartir cole con xente tan colaborativa e humilde á mesma vez, xa que levan xa 2 cursos facéndoo, e eu acábome de decatar.
Déixoche a ligazón ao xornal por se queres ler a noticia enteira:
https://www.lavozdegalicia.es/noticia/galicia/2018/03/10/fisterra-trabajas-aprendes-leer/0003_201803G10P10995.htm
Biquiños, Rasi <3
Moitos homes viñeron a Fisterra en busca dunha vida mellor, e non só atoparon iso, senón que grazas aos profesores poden conseguir unha educación xusta para eles, e en ocasións, tamén para os seus fillos. Dá gusto compartir cole con xente tan colaborativa e humilde á mesma vez, xa que levan xa 2 cursos facéndoo, e eu acábome de decatar.
Déixoche a ligazón ao xornal por se queres ler a noticia enteira:
https://www.lavozdegalicia.es/noticia/galicia/2018/03/10/fisterra-trabajas-aprendes-leer/0003_201803G10P10995.htm
Biquiños, Rasi <3
mércores, 7 de marzo de 2018
Adiós ríos, adiós fontes
Adiós ríos, adiós fontes
adiós, regatos pequenos;
adiós, vista dos meus ollos,
non sei cándo nos veremos.
Miña terra, miña
terra,
terra donde m’eu criei,
hortiña que quero tanto,
figueiriñas que prantei.
Prados, ríos,
arboredas,
pinares que move o vento,
paxariños piadores,
casiña d’o meu contento.
Muiño dos
castañares,
noites craras do luar,
campaniñas timbradoiras
da igrexiña do lugar.
Amoriñas das
silveiras
que eu lle daba ó meu amor,
camiñiños antre o millo,
¡adiós para sempre adiós!
¡Adiós, gloria!
¡Adiós, contento!
¡Deixo a casa onde nacín,
deixo a aldea que conoso,
por un mundo que non vin!
Deixo amigos por
extraños,
deixo a veiga polo mar;
deixo, en fin, canto ben quero…
¡quén puidera non deixar!
[…]
Adiós, adiós, que
me vou,
herbiñas do camposanto,
donde meu pai se enterrou,
herbiñas que biquei tanto,
terriña que nos criou.
[…]
Xa se oien lonxe,
moi lonxe,
as campanas do pomar;
para min, ¡ai!, coitadiño,
nunca máis han de tocar. […]¡Adiós tamén, queridiña…
Dígoche este adiós chorando
desde a beiriña do mar.
Non me olvides,
queridiña,
si morro de soidás…
tantas légoas mar adentro…
¡Miña casiña!, ¡meu lar!
Colaborando coa asociación de escritoras e escritores en lingua galega.
#AbrideAFiestra
Ola!!
Este entroido disfraceime de construtor e crinme tanto o papel que me puxen de reforma na biblioteca.
Despedímonos duns andeis, porque o irmán Goyo fíxonos unhas chulísimas. Ah! Tamén cambiamos a cor das paredes, nunha tarde co irmán Eustasio, xunto a Goyo, quedou estupenda.
Así que che convido a que veñas vela e namóresche tanto dela como eu.
Bicos, Rasi <3
Subscribirse a:
Publicacións (Atom)